شرح نقل المواضيع تلقائيا الى بلوجر

السلام عليكم ورحمه الله وبركاته
طريقة جديدة إكتشفت نتيجتها مؤخرا رغم اني عاملها من زمان وكنت مجهز الشرح لكن بسبب الظروف بقى المهم الطريقه ممكن تسموها أي حاجه انتو حابينها النتيجه >>> شوفو آخر المواضيع وزروروها في المنتدى وشوفو تاريخ الكتابه وشوفو تاريخ إضافتها لجوجل >> مع انها مش متواجده في مواضيع ال 24 ساعه الأخيره المهم قلت بما انه لا خير في كاتم العلم فحبيت أفيدكم معايا وأتأكد كمان هل الطريقة دي سر نزول المواضيع يوميا في جوججل ولا لأ >> بجرب للأمانه - مش عارف الطريقة دي نزلت قبل كده او حد اكتشفها ولا لأ بس بعد البحص(البحث) ملقيتش حاجه المتطلبات :- حساب على جووجل وحساب على بلوجر يعنى يكون عندك مدونه على بلوجر طبعا دول مش هنشغل بالنا بشرحهم لان الشروحات على النت ما شاء الله كتير جدا لكيفية انشاء الحساب يبقى احنا حاليا ممتلكين مدونه على جوجل او بلوجر

ثانيا عشان الطريقة تشتغل بشكل سليم نعمل الخطوة دي >> عن طريق حساب المدونه برضه ندخل على حساب المدونه وبعدها الإعدادات وبعدها التغذيه ونضيف رابط تغذية المنتدى وندوس على حفظ
بعد كده بنسجل دخولنا على حسابنا في بلوجر http://www.blogger.com/

ندوس على تصميم

هتظهر الشاشة دي نختار أي خيار من الخيارات اللى اسمها اضافة أداة

هتظهرلنا نافذة جديدة وفيها قائمة كبيييييره نيجي عند التغذيه وندوس على علامة الزائد اللى جنبها

بعدها نكتب رابط التغذية اللى احنا أضفناه في أول خطوة خالص وندوس على إستمرار

بعد كده نظبط الإعدادات زي ما شايفين نختار أي حاجه لكن الأهم اننا نخلي العدد 5 مواضيع مش اجبارية ال 5 مواضيع لكن لضمان أرشفة آخر خمس مواضيع

بعد كده ندوس على حفظ هتقفل النافذة دي لوحدها وهنرجع لشاشة التصميم

أهم حاجه اننا ندوس حفظ في شاشة التصميم اللى فوق دي عشان الإضافة تتحفظ وبكده إنتهى الموضوع >>> لو رحتو على المدونه بعد عمل الخطوة دي مش هتلاقو حاجه ظهرت بس ما تقلقوش التغذيه بتبدأ إضافتها بعد فتره من الزمن يعنى بعد عشر دقايق روحو على المدونه عشان تشوفو الإضافة هتلاقوها ظهرت